លោក Roberto Mancini ចូលដឹកនាំក្លិប Inter Milan សារជាថ្មី

ក្លិប Inter Milan​ ទើបតែតែងតាំងលោក Roberto Mancini ជំនួសលោក Walter Mazzarri ដែលទើបតែត្រូវបណ្តេញចេញ ។

លោក Roberto  Mancini ធ្លាប់បានដឹកនាំក្លិប​ Inter Milan​ ពេល៤ឆ្នាំគឺចន្លោះឆ្នាំ ២០០៤ដល់២០០៨ ដោយ​លោកបានជួយក្លិបនេះអោយទទួលជោគជ័យដូចជាឈ្នះពាន Italian Cup ចំនួន​២ដង និង ពាន​ Italia Seria A ចំនួន ៣ដងផងដែរ ។ ហើយនៅឆ្នាំ២០០៨ លោក Roberto Mancini បានចាកចេញពីក្លិប Inter Milan ទៅដឹកនាំក្លិប Man City ជំនួសវិញ  ។

ប្រធានក្លិប Inter Milan ​លោក Erik Thohir​ បានមានប្រសាសន៍ចំពោះការត្រលប់មកដឹកនាំ​​សារជាថ្មីរបស់លោក Manciniថា '' គោលបំណងយើងចង់អោយក្លិបត្រលប់ទៅជាក្លិបកំពូលនៅអ៊ឺរ៉ុបសារជាថ្មីហើយវាជាមូលហេតុដែលយើងរីករាយនិងការត្រលប់មកវិញរបស់លោក Roberto Mancini '' ​។

ហើយការប្រកួតដំបូងនៃការដឹកនាំសាជាថ្មីនេះលោក​ Mancini ត្រូវដឹកនាំក្លិប Inter Milan តតាំងនិងក្លិប AC Milan នៅថ្ងៃ ២៤ ខែ វិច្ឆិកា ។  គួរបញ្ជាក់ថាបច្ចុប្បន្នក្លិប Inter Milan​​ កំពុងស្ថិតនៅលេខ ៩ ក្នុងក្របខណ្ឌ Italia A ដោយ១១ប្រកួត ឈ្នះ៤ ស្មើ៤​ និងចាញ់៣ប្រកួត ហើយមាន១៦ពិន្ទុ ។

ប្រភព ៖ usatoday 

អត្ថបទ ៖ Mr Ball