ខ្សែបម្រើមួយរូបរបស់ Real Madrid ស្ថិតក្នុងគោលដៅរបស់ ក្លិប AC Milan

ខ្សែបម្រើរបស់ក្លិប Real Madrid កីឡាករ Illarramendi កំពុងក្លាយជាគោលដៅរបស់ក្លិប AC Milan នេះបើយោងតាម UK​ reporter​ ។

នៅក្នុងស្ថានីយ៍វិទ្យុ TalkSport របស់អង់គ្លេសបាននិយាយថាកីឡាករសញ្ជាតិអេស្ប៉ាញរូបនេះប្រហែលជាអាចចាកចេញពីទឹកដី Santiago Bernabeu ទៅ​កាន់ទឹកដី San Siro របស់់ក្លិប AC Milan បន្ទាប់ពីកីឡាកររូបមិនបានជាប់ជាជម្រើសដំបូងឡើយ ក្រោមការដឹកនាំរបស់លោក Carlos Ancelotti នៅទឹកដី Santiago Bernabeu ។

សូមបញ្ជាក់ថាខ្សែបម្រើរូបនេះបានចូលរួមក្នុងក្លិប Real Madrid ដោយតម្លៃផ្ទេរ ២៥.៥លានអ៊ឺរ៉ូ ពីក្លិប Real Sociedad កាលពីឆ្នាំ ២០១៣ ។ ហើយតាំងពីផ្ទេរមកទឹកដី Santiago Bernabeu កីឡាកររូបនេះមិនអាចដណ្តើមកន្លែងជាជម្រើសដំបូងបានឡើយដោយសារ ក្លិប Real Madrid សំបូរខ្សែបម្រើឆ្នើមជាច្រើនដូចជា Luka Modric ; Toni Kroos ; Jame Rodrigues  ជាដើម ។

ប្រសិនបើកីឡាកររូបនេះសំរេចចិត្តចាកចេញពីក្លិប Real Madrid មែននោះក្លិប AC Milan និង​ត្រូវធ្វើការប្រជែងជាមួយក្លិប Arsenal ដែលកំពុងចាប់អារម្មណ៍លើកីឡាកររូបនេះផងដែរ ។ គួរបញ្ជាក់ក្លិប Arsenal ធ្លាប់ទាក់ទងចង់បានកីឡាកររូបនេះម្តងដែរមុនពេលដែលរូបគេចូលរួមជាមួយក្លិប Real Madrid ។ 

ប្រភព ៖ realmadridnews  

អត្ថបទ ៖ Mr Ball