ក្លិប​ជើង​ខ្លាំង​នៅ​អ៊ីតាលី​ត្រូវ​ប៉ះ​គ្នា​នៅ​ចុង​សប្តាហ៍​នេះ

ក្លិប​ដែលកំពុងឈរកំពូល​តារាង​នៅ​អ៊ីតាលី SerieA ក្លិប AcMilan​បើក​ទ្វារ​ទឹក​ដី San Siro ស្វាគមន៍​ក្រុម​ភ្ញៀវ Juventus ។ 

ក្រោមការដឹកនាំ​របស់​គ្រូ​បង្វិក​FilippoInzaghi​​ក្លិប Ac Milan​បាន​ចាប់​ផ្តើម​យ៉ាង​ល្អ​នៅ​រដូវ​កាល​ថ្មី​នេះ​ដោយ​​កាល​ពី​ប្រកួត​សប្តាហ៍​ដំបូង​បាន​យក​ឈ្នះ​ក្លិប Lazio ៣​ទល់​នឺង​១ បន្ទាប់​មក​បាន​យក​ឈ្នះ​ ៥​ទល់​នឺង​៤ ទៅ​លើ​ក្លិប​ Parma កាល​​ពី​ចុង​សប្តាហ៍​មុន ។ ប៉ុន្តែ​ទោះ​ជា​ក្រោយ​ជ័យ​ជំនះ​គេ​ឃើញ​ក្លិប​នេះ​មាន​ភាព​ល្អ​ប្រសើរ​​ត្រង់​តំបន់​ប្រយុទ្ធ​តែ​ហាក់​មាន​បញ្ហា​ត្រង់​តំបន់​ការពារ ។ជើង​កីឡាករ​ដែល​អាច​ជាប់​ជម្រើស​១១​នាក់​ដំបូង​​មាន​ដូច​ជា៖ Agazzi, Abate, Rami,  Zapata, De Sciglio,  Poli, Dejong, Muntari, Honda, Menez, El Shaarawy ។   

ចំណែកក្លិប Juventus ក៏​ធ្វើ​បាន​ល្អ​ដែរ​ដោយ​ឈ្នះ​ទាំង​ពីរ​ប្រកួត​នៅ​ក្នុង​ក្រប​ខណ្ឌ Serie A ​ដោយ​ឈ្នះ​Chievo ​១​ទល់​នឹង​០ នៅ​សប្តាហ៍​ទី១​ហើយ​សប្តាហ៍​ទី២​បាន​យក​ឈ្នះ Udinese ២​ទល់​នឹង​០ ។​ហើយ​ទើប​តែ​ឈ្នះ ២ ទល់​០ លើ​ក្លិប​ Malmo​ក្នុង​ការប្រកួត​ UEFA Champion League ។ តែ​ក្នុង​ការ​ប្រកួត​ប៉ះ​និង​ ​Ac Milan នៅ​ចុង​សប្តាហ៍​នេះ ​Juventus​នៅ​តែ​អវត្ត​មាន​ខ្សែ​បំរើ ​Andrea Pirlo និង​ខ្សែ​ការ​ពារ AndreaBarzagli ដោយ​សារ​របួស​ប៉ុន្តែ​ប្រហែល​ជា​អាច​មាន​ការ​ត្រលប់​ចូល​លេង​វិញ​នៃ​ខ្សែ​បម្រើ​កណ្តាល​សញ្ចាតិ​ឈីលី​កីឡាករ Aturo Vidal ក្រោយ​ធូរ​ស្រាល​ពី​រ​បួស​ជង្គង់។

ជើង​កីឡាករ​ដែល​អាច​ជាប់​ជម្រើស​១១​ដំបូង​មាន​ដូចជា៖ Buffon, Lichtsteiner,  Carceres, Bonucci, Cheillni, Evra,  Marchiso, Vidal, Pogba,  Tevez, Lorrente។

ប្រភព : Asianone

អត្ថបទដោយ : Mr Ball