Chelsea បានត្រឹមស្មើ Schalke នៅក្នុងការប្រកួត UEFA Champion League

កាល​ពីយប់មិញ Chelsea ធ្វើ​ជា​ម្ចាស់​បើក​ទ្វារ​ស្វាគមន៏​ក្រុម​ភ្ញៀវ​មក​ពី​អាល្លឺម៉ង់​Schalke ​ដែល​ក្រុម​ទាំង​ពីរ​ស្ថិត​ក្នុង​ពូល G​ នៃ​ការ​ប្រកួត UEFA Champion League ។ដោយ​ការ​ប្រកួត​របស់​ក្រុម​ទាំង​ពីរ​ បាន​បញ្ចប់​ត្រឹម​លទ្ធ​ផល​ស្មើ​គ្នា ១ ទល់​និង ១ ដែល​លទ្ធ​ផល​នេះ​ធ្វើ​អោយ Chelsea ​បញ្ចប់​កំណត់​ត្រា​ឈ្នះ​៤​ប្រកួត​ជាប់​គ្នា​ដើម​រដូវ​កាល​នេះ ។

ត្រឹមនាទី ១១' កីឡា​ករ Cesc Fabregas ស៊ុត​មួយ​គ្រាប់​ជួយ​អោយ Chelsea នាំ​មុខ​មុន ​មើល​ទៅ​ការ​ប្រកួត​ហាក់​ដូច​ជា​ល្អ​ប្រសើ​សំរាប់​ក្រុម​ដែល​កំពុង​ឈរ​កំពូល​តារាង​ក្នុង​ក្រប​ខណ្ឌ English Premier League ។ តែ​អ្វី​គ្រប់​យ៉ាង​បាន​ផ្លាស់​ប្តូរ​នៅ​នាទី ៦២' ខ្សែ​ប្រយុទ្ធ​របស់ Schalke កីឡា​ករ Klaas-Jan Huntelaar រក​បាន​មួយ​គ្រាប់​វិញ ដោយ​ចប់​ការ​ប្រកួត​ក្រុម​ទាំង​ពី​រ​បាន​១ពិន្ទុ​ម្នាក់។

ចំណែក​មួយ​គូទៀត Maribo ក៏​បាន​ត្រឹម​ស្មើ ១ ទល់​នឹង ១ ផង​ដែរ​ជាមួយ​ក្រុម Sporting Lisbon ។ ដែល​ក្នុង​ការ​ប្រកួត​កីឡា​ករ​ជម្រើស​ជាតិ​ព័រទុយ​កាល់​គឺកី​​ឡា​ករ Nani ជា​អ្នក​ស៊ុត​ជួយ​អោយ​ក្លិប Sporting Lisbon នាំ​មុខ​មុន​នៅ​នាទី​៨០' តែ​ជិត​ចប់​ការ​ប្រកួត​ទៅ​ហើយ​ពោល​គឺ ​នៅ​ម៉ោង​បន្ថែម​នាទី​ទី​៩២' ទៅ​ហើយ​កីឡាករ Luka Zahovic ជា​អ្នក​ស៊ុត​បញ្ចូល​ទី​អោយ​ក្រុម Maribo​ ​តាម​បាន​ស្មើ​មក​វិញ​។

ប្រភព : Indianexpress

អត្ថបទដោយ ; Mr Ball