ក្លិប Crystal Palace ជោគជ័យក្នុងការនាំយកកីឡាករ Sanogo ពីក្លិប Arsenal

យោងតាមគេហទំព័ររបស់ក្លិប​ Crystal Palace បានបញ្ជាក់ថាពួកគេបាននាំយកខ្សែប្រយុទ្ធវ័យក្មេងរបស់ក្លិប Arsenal គឺកីឡាករ Yaya Sanogo ក្រោមកិច្ចសន្យាខ្ចីជើងរហូតចប់រដូវកាល ។

ក្រោយចុះកិច្ចសន្យាជាមួយក្លិប Crystal Palace ខ្សែប្រយុទ្ធវ័យ២១ឆ្នាំសញ្ជាតិបារាំងរូបនេះ​បាននិយាយថា​ '' ខ្ញុំពិតជាសប្បាយចិត្តខ្លាំងណាស់នៅពេលលឺថាក្លិប Crystal Palace ចាប់អារម្មណ៍​មក​លើ​ខ្ញុំ ព្រោះ​ខ្ញុំ​ចង់​មាន​ឱកាស​លេង​បាន​ច្រើន​ ។ ខ្ញុំ​គិតថា​ Crystal Palace​ ជាក្លិប​ដ៏ល្អមួួយ​ ខ្ញុំបាន​មើល​ការ​ប្រកួត​របស់​ពួក​គេ​ពេលប៉ះ​ជាមួយ​ Tottenham Hotspur​ ពួក​គេ​ធ្វើ​បាន​ល្អ​ខ្លាំងណាស់​ ខ្ញុំសង្ឃឹម​​ថា​ខ្ញុំ​អាច​ជួយ​ក្លិបមួយនេះ​អោយ​ទទួល​បាន​ជោគជ័យ​ '' ។

គួរ​បញ្ជាក់​ថា​កីឡាករ​ Sanogo​ បាន​ផ្ទេរ​ពីក្លិប​ Auxerre មក​ចូល​រួម​ក្នុង​ក្លិប​ Arsenal​ កាល​ពី​ រដូវ​កាល​មុន​  ។ ហើយ​អំឡុង​ពេល​លេង​នៅក្លិប​ Auxerre​ កីឡាករ​រូបនេះ​រក​គ្រាប់​បាល់​បាន១១គ្រាប់​ ក្នុង​ការ​បង្ហាញ​ខ្លួន​២៤ប្រកួត​ ។

ប្រភព ៖ Cpfc
អត្ថបទ ៖ Mr Ball