អស់​បញ្ហា​ជា​មួយ​មេរោគ​ដែល​យក ​Account ​របស់​អ្នក​ទៅ ​Shared ​Link ​ពេញ ​Facebook​

ថ្មីៗ​នេះខ្ញុំបាន​សង្កេត​ឃើញ​ថា ​មាន​មេរោគ​មួយ​ចំនួន​បាន​បន្លំ​នៅ​ក្នុង ​Link ​លើ​Facebook។ ហើយ​វាបាន​ប្រើប្រាស់​រូបភាព ​នឹង​ពាក្យ​ដែល​ធ្វើ​ឲ្យ​អ្នក​ដែល​បាន​ឃើញ​មាន​ការ​ចាប់អារម្មណ៍​។​ មាន​អ្នក​លេង​ Facebook ​មិន​តិច​ទេ​ដែល​បាន​ចុច​លើ ​Link ​ទាំង​នោះ ​តើ​អ្នក​ដឹង​ទេ​ថា​មាន​អ្វី​កើត​ឡើង​នៅ​ពេល​ដែល​អ្នក​ចុច​លើ ​Link ​នោះ?​

វាការពិតណាស់បន្ទាប់ពីអ្នកបានចុចលើ Link ទាំងនោះ វានឹងណែនាំអ្នកឲ្យ Like Page រួចឲ្យអ្នក Add កម្មវិធីមួយ  ពេលនោះ Application មួយនោះនឹង​ដំនើរ​ការ​ដោយ​ប្រើ​ប្រាស់​ Facebook ​Account របស់​អ្នក​ចែក​រំលែក​ Link ​ទាំង​នោះបន្ត​ ចូល​ទៅក្នុង​ Timeline​ មិត្ត​ភក្តិ​របស់​អ្នក​, ចូល​ទៅ​ក្នុង​ Group , ​ចូល​ទៅ​ Comment ក្នុង​ Post ​របស់​អ្នក​ណា​ម្នាក់​ដោយ​មិន​ដឹងខ្លួន។

ដើម្បី​បិទ​កុំ​ឲ្យ​កម្មវិធីនោះ​ដំនើរការ​បន្ត​ទៀត​ អ្នក​ត្រូវ​អនុវត្ត​តាម​វិធី​ដូច​ខាង​ក្រោម​ ៖

• មុនដំបូងត្រូវចូលទៅមើល Link ដែលអ្នកបានចែករំលែកនោះរួច ស្វែងរកឈ្មោះកម្មវិធីនោះ ដែលវាមានទីតាំងស្ថិតនៅពីក្រោមឈ្មោះរបស់អ្នក ។

• បន្ទាប់មកត្រូវចូលទៅ Remove កម្មវិធីនោះចេញពី Facebook Account របស់អ្នក ដោយ ៖
  
  ចូលទៅកាន់ Setting > Apps

• បើ​សិន​ជា​អ្នក​មិន​ឃើញ​មេរោគ​នោះ​អ្នក​អាច​វាយ​បញ្ចូល​ឈ្មោះ​របស់​វា​ចូល​ទៅ​ក្នុង​ Search​ Apps ​រួច​ចុច ​Enter ​ ហើយ​យក ​Mouse​ ទៅ​ដាក់​លើ​ឈ្មោះ​កម្មវិធី ដែល​អ្នក​បាន​រក​​ឃើញ​នៅ​ជំហ៊ាន​​ទី១ ​ រួច​ចុច​ Remove ​ ។

• ពេល​ចុច​ Remove ​រួច​វា​នឹង​លោត​ផ្ទាំង​មួយ​មក​ សូម​ចុចធីក រួចចុច Remove ជាការស្រេច (ដូចរូបភាព) ៕

   

រក្សាសិទ្ធដោយ ៖ CAMBOMAG

អត្ថបទដោយ ៖ Mr. Dee