ទាយសាកមើលតើ Real Madrid ឬ Bacelona អាចឈ្នះក្នុងជំនួបយប់នេះ ?

ការ​ប្រកួត​ដ៏​ធំ​ក្នុង​យប់​នេះ​ក្លិប​អធិរាជ​ស ​Real Madrid​ បាន​បើកទ្វារ​ទឹកដី​ Santiago​ Bernabeu​ ស្វាគមន៍​​ក្រុម​អ្នក​មាន​បុណ្យ​ Bacelona​  ។ដែលការប្រកួតនេះចាប់ផ្តើមនៅម៉់ោង១១:០០ យប់(នៅកម្ពុជា)។
បច្ចុប្បន្ន​ក្លិប​​ Bacelona​​ ស្ថិត​​នៅកំពូល​តារាង​នៃ​ La Liga ដោយ​៨​ប្រកួត​ឈ្នះ៧​និងស្មើ១​មាន២២ពិន្ទុ​ ដោយ​ឡែក​ Real Madrid ឈរ​នៅលេខ៣ដោយ​៨ប្រកួត​ឈ្នះ៦និងចាញ់២មាន​១៨ពិន្ទុ​ ។ ហើយ​ក្លិបទាំង​ពីរ​ទើប​តែ​យកឈ្នះក្នុងការប្រកួត UEFA Champion ក្នុងពេលថ្មីៗនេះ ដោយ Real Madrid ទើបតែបំបាក់ក្លិប Liverpool ដោយលទ្ធផល ៣ទល់និង០  ចំណែក Bacelona ឈ្នះ៣ទល់និង១ លើAjax ។

ក្នុងជំនួបដ៏ធំនេះដែរកីឡាករ​ Suarez​ ដែល Bacelona ទិញពី Liverpool ក្នុងតម្លៃ​៧៥លានផោន និ​ងអាចចូលលេងវិញ​បានហើយក្រោយ​ពីត្រូវពិន័យអស់រយៈពេល៤​ខែមិនអោយចូលប្រកួតដោយសារ​កីឡាករ​រូបនេះ​ខាំកីឡាករ​ Giorgio Chellini របស់អ៊ីតាលីក្នុងអំឡុងនៃការប្រកួត World Cup ។

សម្តីរបស់គ្រូបង្វិកទាំងពីរ ៖

លោក Carlo Ancelotti បាននិយាយមុនការប្រកួតថា៖ គ្មានការប្រកួតណាដែលមិនគិតលើអ្នកប្រយុទ្ធ​ឡើយ​ បើខ្សែប្រយុទ្ធយើង​ខ្សោយយើងអាចយកឈ្នះលើគូប្រកួតបានទេ ​។ ប៉ុន្តែតំបន់ការពារក៏សំខាន់ផង​ដែរ បើ​មិន​អាចកា​រពារពីរការ​សម្រុករ​បស់គូប្រជែងបានទេ​យើងប្រាកដជាចាញ់មិនខាន ​។ ខ្ញុំដឹងថាបច្ចុប្បន្ន​ Bacelona ពួកគេល្អទាំងព្រម ហើយអ្វីពិសេសគឺគេបន្ថែមកំលាំងប្រយុទ្ធថ្មីគឺកីឡាករ Suarez ។ ទោះយ៉ាងណាក៏ដោយក្រុមទាំងអស់សុទ្ធតែមានចំនុចខ្សោយ​ យើងត្រូវរកវាអោយឃើញ ។

ដោយឡែកសម្តីរបស់លោក Luis Enrigue បាននិយាយថា ៖ យើងត្រូវព្យាយាមគ្រប់គ្រងបាល់អោយ​បាន​ច្រើន​ដើម្បី​មាន​ឱកាស​វា​យសម្រុក​ទៅលើ​គូប្រកួត​ ។ លោកបន្ថែមថាជួប​ជាមួយ Real​ Madrid​ វាមិនមែន​​ជារឿង​ងាយស្រួលឡើយ​​ ជាពិសេស​ក្នងទឹកដី​គេតែម្តង​ ហើយលោក ​Ancelotti ជាគ្រូបង្វិកដ៏ពូកែម្នាក់​ការ​គ្រប់គ្រងគឺផ្លាស់ប្តូរជានិច្ច ។ ប៉ុន្តែសំណាងល្អ​ដែល​យើងមាន​ Suarez​ មកជា​កម្លាំង​បន្ថែម​តែខ្ញុំមិនរំពឹងថាត្រូវដាក់គេជាជម្រើសដំបូងឡើយ ។


ពត៌មានទាក់ទងនិងកីឡាករ
កីឡាករ Gareth Bale និងត្រូវអវត្តមានក្នុងជំនួបយប់នេះស្របពេលដែលកីឡាករ Jese Rodrigues ក៏មិនអាចប្រកួតបានដែរដោយសារត្រូវសំរាកព្យាបាលរបួសជង្គង់ ។ កីឡាករ Sergio Ramos ដែលអវត្តមានកាលពីការប្រកួតពាក់កណ្តាលសប្តាហ៍ពេលនេះអាចចូលប្រកួតវិញបានហើយ ។

ដោយឡែកសំរាប់ Bacelona វិញគ្មានបញ្ហារបួសកីឡាករអ្វីឡើយ ព្រោះ កីឡាករ Thomas Vermalen កីឡាករ Dunglas និង Adriano សុទ្ធតែជាសះស្បើយ ។

កីឡាករដែលអាចជាប់ជាជម្រើស១១នាក់ដំបូង

Real Madrid (4-4-2): Iker Cassilas; Marcelo, Sergio Ramos, Pepe, Dani Cavarjal; Isco,Toni Kroos , Luka Modric, James Rodriguez; Cristiano Ronaldo, Karim Benzema

Barcelona (4-3-3): Claudio Bravo; Jordi Alba , Jeremy Mathieu, Gerard Pique, Dani Alves ; Javier Macherano, Rakitic , Andres Iniesta; Neymar, Lionel Messi, Pedro

ប្រវត្តិជួបគ្នារបស់ក្លិបទាំងពីរ

ក្នុងជំនួប ១៦៨នៅ La Liga  Real Madrid ឈ្នះ៧០ដង ខណៈក្រុមទាំងពីស្មើ៣២ដង ហើយBacelona ឈ្នះ៦៦ ។ បើនិយាយពី៥ប្រកួតចុងក្រោយរបស់ក្រុមទាំងពីរ Real Madrid ឈ្នះ៣ប្រកួត ចាញ់២ប្រកួត ។

ប្រភព៖ sbnation

អត្ថបទ៖​ Mr Ball