ជំនួប Chelsea និង Manchester United យប់នេះតើមួយណាឈ្នះ ?

យប់នេះក្លិបតោខៀវ Chelsea និងត្រូវធ្វើដំណើរទៅទឹកដី Old Trafford ដើម្បីសួរសុខទុក្ខក្លិបបិសាចក្រហម Manchester United ។

បច្ចុប្បន្នក្លិប Chelsea កំពុងស្ថិតនៅកំពូលតារាង Premier League ដោយ៨ប្រកួតឈ្នះ៧ប្រកួតនិងស្មើតែ១ប្រកួតប៉ុនោះ ។ ដោយឡែកក្លិប Man Utd បច្ចុប្បន្នស្ថិតនៅលេខ​៦ក្នុងតារាង Premier League ដោយ៨ប្រកួត ឈ្នះ៣ប្រកួត ស្មើ៣ប្រកួត និងចាញ់២ប្រគួត ។

ពត៌មានទាក់ទងនិងកីឡាករ

ខ្សែប្រយុទ្ធរបស់ Chelsea កីឡាករ Diego Costa ដែលកំពុងមានបញ្ហារបួសសរសៃពួរ ត្រូវបានលោក Jose Mourinho និយាយថាកីឡាកររូបនេះអាចមានឱកាសតិតួចក្នុងជំនួបយប់នេះ នេះបើយោងតាមរបាយការណ៍របស់ The Telegraph ។ដោយឡែកកីឡាករសញ្ជាតិបារាំងកីឡាករ Loic Remy កំពុងមានបញ្ហាគ្រលៀន ។ 

ក្នុងករណីកីឡាករ Costa និង Remy សុទ្ធតែមិនអាចលេងបានដូច្នេះលោក Jose Mourinho និងត្រូវសំរេចចិត្តដាក់កីឡាករជើងចាស់របស់Chelsea ដែលមានវ័យ ៣៦ឆ្នាំ គឺកីឡាករ Dier Drogba ជាជម្រើសដំបូង ។ ដោយឡែកកីឡាករ​ Andrea Schurrle មិនទាន់ជាសះស្បើយមួយរយភាគរយទេតែសង្ឃឹមថានិងអាចលេងបាននៅថ្ងៃអាទិត្យនេះ ។  កីឡាករ Azpilicueta ត្រូវជាប់ពិន័យមិនអាចប្រកួតបានទេ ដោយសារកាលពីសប្តាហ៍កីឡាកររូបនេះទទួលបានកាតក្រហមពេលប៉ះជាមួយ Crystal Palace​។ ដូចនេះមានន័យថាកីឡាករ​ Felipe Luiz និងត្រូវបង្ហាញខ្លួនក្នុងការប្រកួតនៅ Premier League ជាលើកដំបូង។

ដោយឡែកកីឡាកររបស់ Man Utd គឺកីឡាករ Ander Herrera​ និង Angel Di Maria ដែលត្រូវដូរចេញដោយសារមានរបួស ពេលប៉ះជាមួយ West Bromwich Albion កាលពីសប្តាហ៍មុន នឹងអាចជាសះស្បើយពេលប៉ះ Chelsea យប់នេះ ។ ឯកីឡាករ Wayne Rooney ត្រូវជាប់ពិន័យមិនអាចប្រកួតបានទេ ដោយសារកីឡាកររូបនេះទទួលបានកាតក្រហមពេលប៉ះជាមួយ West Ham United ។

កីឡាករ១១នាក់ដែលអាចជាប់ជម្រើសដំបូងរបស់ Manchester United  : De Gea ; Rafael ; Jone ; Rojo ; Blind ; Fellaini ; Di Maria ; Mata ; Van Persia ; Falcao .

កីឡាករ១១នាក់ដែលអាចជម្រើសដំបូងរបស់ Chelsea : Courtois ; Ivanovic ; Cahill ; Terry ; Luiz ; Matic ; Fabregas ; Oscar ; Hazard ; Willian ; Diego Costa

ការជួបគ្នាកាលពីរដូវកាលមុន

Man Utd 0-0 Chelsea 27/8/2013

Chelsea 3-1 Man Utd 19/1/2014

៥ប្រកួតចុងក្រោយរបស់ក្រុមទាំងពីរ Chelseaឈ្នះ២ ស្មើ២ ហើយMan Utd ឈ្នះ១ ។

ប្រភព៖​​​ gamehasjustbegun

អត្ថបទ៖ Mr Ball