អីយ៉ា​មាន​អ្នក​ចូល​ចិត្ត​ Windows 10 ច្រើន​ណាស់​តើ !

ក្រុម​ហ៊ុន Microsoft ទើប​តែ​ណែ​នាំ​អំពី Windows 10 មិន​ទាន់​បាន​ប៉ុន្មាន​ផង ​ក៏​មានអ្នក​គាំ​ទ្រ(Fans) ​បាត់​ទៅ​ហើយ​ ដែល​នេះ​គឺ​ជា​សញ្ញា​វិជ្ជមាន​មួយ​សំរាប់​ Microsoft  ក្នុង​ការ​ប្រកួត​ប្រជែង​ក្នុង​ទីផ្សារ ប្រព័ន្ធ​ប្រតិបត្តិការ ។

កាល​ពី​ពេល​ថ្មី​ៗ នេះ​គេហទំព័រ​បច្ចេកវិទ្យា​ដ៏​ល្បីល្បាញ​មួយ​ដែល​មាន​ឈ្មោះ​ថា GSMArena បាន​ធ្វើ​ការ​ស្រង់​ស្ថិតិ​នៃ​​ការ​​ចូល​ចិត្ត​ និង​មិន​ចូល​ចិត្ត​ Windows 10 ដោយ​អោយ​ប្រិយមិត្ត​របស់​ខ្លួន​ធ្វើ​ការ​បោះ​ឆ្នោត​។ ក្រោយ​ពី​ការ​ដាក់​ឲ្យ​បោះ​ឆ្នោត​រួច​មក  GSMArena ក៏​បាន​បង្ហាញ​ពី​ស្ថិតិ​ដែល​បាន​មក​ពី​ការ​បោះ​ឆ្នោត​នោះ។

ក្នុង​ស្ថិតិ​បាន​បង្ហាញ​ឲ្យ​ឃើញ​ថា Windows 10 សំរាប់​ ទូរស័ព្ទ​គឺ​មាន​​អ្នក​ចូលចិត្ត​រហូត​ដល់​ទៅ 15946 នាក់ និង​មិន​ចូលចិត្ត​មាន​ចំនួន​ត្រឹម​តែ 3301 នាក់។ រីឯ​ Windows 10 សំរាប់​កុំ​ព្យូទ័រ មាន​អ្នក​ចូល​ចិត្ត 17002 នាក់ រួម​ជា​មួយ​នឹង​អ្នក​មិន​ចូលចិត្ត​ត្រឹម​តែ 1258 នាក់ តែ​ប៉ុណ្ណោះ។ ដែល​នេះ​សរ​បញ្ជាក់​ឲ្យ​ឃើញ​ថា Windows 10 ដែល​ជា​ប្រព័ន្ធ​ប្រតិបត្តិការ​កូន​ពៅ​របស់ Microsoft មួយ​នេះ ហាក់​មាន​ការ​ចាប់​អារម្មណ៍​​គួរ​សម​។

គួរ​បញ្ជាក់​ឲ្យ​ដឹង​ដែរ​ថា​ Windows 10 គឺ​ជា​ប្រព័​ន្ធ​ប្រតិបត្តិការ​ដែល​អាច​ដំនើរ​ការ​​បាន​ទាំង Smart Phone និង កុំ​ព្យូរទ័រ ហើយ​សំរាប់​ Smart Phone ដែល​កំពុង​តែ​ដំនើរ​ការ​ដោយ Windows Phone 8.1 សុទ្ធ​សឹង​តែ​អាច​ធ្វើ​ការ​ដំឡើង​ទៅ​កាន់​ Windows 10 នេះទាំង​អស់​ ក្នុង​ពេល​ឆាប់ៗ​ខាង​មុខ៕

ប្រភព ៖ GSMArena