Torres រកបាន២គ្រាប់ជួយអោយ At Madrid ឡើងទៅវគ្គបន្ត

កាល​ពី​យប់មិញ​ក្នុង​ការ​ប្រកួតជើងទី២​ក្នុងវគ្គ១៦​ក្រុម​នៃពានរង្វាន់​​ Copa Del Rey​ កីឡាករ ​Fernando Torres បាន​ស៊ុត​បញ្ចូល​ទី២​គ្រាប់​ម្នាក់ឯង​ជួយ​អោយ​ក្លិប​ At Madrid​ ទម្លាក់​ក្លិប​ជើង​ខ្លាំង​ Real Madrid​ ពី​ពាន​រង្វាន់​មួយនេះ​ ។ ដោយ​បញ្ចប់​ត្រឹម​លទ្ធផល​ស្មើគ្នា២ទល់នឹង២​យប់​មិញ​គ្រប់​គ្រាន់​សំរាប់​ At Madrid​ ឡើង​ទៅេ​វគ្គ៨​ក្រុម​ជាបន្ត​ ដោយ​កាល​ពីជើងទី១​ At Madrid​ បានយកឈ្នះ ២ទល់នឹង០ ។

ដោយ​ការ​ប្រកួត​នៅតង់ទី១​យប់មិញ​កីឡាករ​ Fernando Torres​ បាន​រក​គ្រាប់​​ដំបូង​អោយ​ At Madrid តាំង​ពីនាទី១​មកម្ល៉េះ​ ហើយ​នេះ​ក៏ជា​គ្រាប់​ដំបូង​របស់គេផង​ដែរ​ក្នុង​ការ​ត្រលប់​មក​ទ្រនំ​ចាស់​ ដោយ​ឡែក​នៅ​នាទី​២០​ កីឡាករ ​Sergio​​ Ramos ​បានតែតបញ្ចូលទី​តាម​ស្មើ​អោយ​​ Real Madrid​ ។

ចូល​ដល់​តង់ទី២​ បើក​ឆាក​ត្រឹមតែ​មួយនាទី​ប៉ុនោះ​គឺ​នៅនាទី៤៦​ កីឡាករ ​Fernando Torres​ បាន​បន្ថែម​ការ​នាំមុខអោយ​ At Madrid​ សារជាថ្មី​ ខណៈ​ចូល​ដល់នាទី៥៦​ ម្ចាស់ពាន FIFA Ballon d'Or កីឡាករ​ Cristiano Ronaldo បាន​តែត​បញ្ចូល​ទី​តាមស្មើមកវិញអោយ Real Madrid ​។  

លទ្ធផល​នេះជួ​យ​អោយ​ At Madrid ​ឡើង​ទៅ​វគ្គ៨​ក្រុម​ចុងក្រោយ​ជួប​ជាមួយក្លិប​ FC Barcelona ​ដែល​ទើប​យកឈ្នះដោយលទ្ធផល​​ ​៤ទល់នឹង០លើក្លិប Elche   ។

អត្ថបទ ៖​ Mr Ball