កីឡាករ Joel Campbell របស់ក្លិបArsenal កំពុងស្ថិតក្នុងគោលដៅរបស់ក្លិប Inter Milan

ក្លិប Inter Milan កំពុងដាក់ការចាប់អារម្មណ៍ដើម្បីផ្ទេរខ្សែប្រយុទ្ធវ័យក្មេងរបស់ Arsenal ​គឺកីឡាករ Joel Campbell ។ ដោយក្លិបនៅ​ក្របខណ្ឌ Serie A មួយនេះបានកំពុងធ្វើការចចារជំហ៊ានដំបូងជាមួយកីឡាករ Campbell  ។

កាលពីដើមរដូវកាល​ក្លិប Inter Milan ធ្លាប់បានព្យាយាមទាក់ទងដើម្បីផ្ទេរកីឡាករសញ្ជាតិកូស្តារីការូបនេះម្តងដែរ ប៉ុន្តែលោក Arsen Wenger ចង់រក្សារូបគេទុកបន្ទាប់ពីខ្សែប្រយុទ្ធដ៏សំខាន់របស់លោកគឺកីឡាករ Olivier Giroud មានបញ្ហារបួស​ ។

សូមបញ្ជាក់ថាតាំងពីដើមរដូវកាលមកកីឡាករ Campbell បានបង្ហាញខ្លួនត្រឹមតែ៣ដងប៉ុនោះហើយមិនបានជាប់ជាជម្រើសដំបូងទៀត ដោយរូបគេបានបង្ហាញខ្លួននៅ Premier League បាន២ប្រកួត និង១ប្រកួតនៅ Capital One Cup ។ 

ដូចនេះកីឡាករ Campbell ហាក់ដូចជាចង់ចាកចេញពីក្លិប Arsenal នៅពេលទីផ្សារដោះដូរកីឡាករបើកនៅខែមករាខាងមុខនេះដោយសាររូបគេមិនអាចជាប់ជាជម្រើសរបស់លោក Arsen Wenger ឡើយ​ ដោយរូបគេត្រូវស្ថិតនៅពីក្រោយកីឡាករចំណូលថ្មីដូចជា Sanchez និង​កីឡាករ Welbeck ហើយរួមទាំងការត្រលប់ជាពីរបួសរបស់កីឡាករ Giroud និង Walcott រឹតតែធ្វើអោយគេមានឱកាសកាន់តែតិច ។

ប្រភព ៖ dailymail

អត្ថបទ ៖ Mr Ball