Toyota Camry 2015​ រចនា​រូបរាង​ថ្មី​ឡូយអស់ទាស់ម៉ង!

ក្រុមហ៊ុន Toyota បាន​ធ្វើ​ប្រជា​ជន​លើ​ពិភព​លោក​រួម​ទាំង​ប្រជា​ជន​កម្ពុជា​ផង​ដែរ​មាន​ការ​ភ្ញាក់​ផ្អើល​​នឹង​ចាប់​អារម្មណ៍​ពី​រចនា​បទ​ថ្មី​នៃ​រូបរាង​របស់ Toyota Corolla  2014 ដែល​ខុស​ឆ្ងាយ​ពី​ Corolla ​2013​។ ឥលូវ​នេះ​ដល់​វេន​ទាយាទ​ជំនាន់​ថ្មី​របស់​ រថយន្ត​ Toyota ​ម៉ូដែល​ Camry ​ម្តង​ហើយ ​គឺ ​Toyota Camry​ 2015 ដែល​ជា​រថយន្ត​ដ៏​ទំនើប​និង​មាន​រូបរាង​ដ៏​ទាក់​ទាញ ​ដែល​ខុស​គ្នា​ពី​ស៊េរី​មុន​ដាច់​តែ​ម្តង​។

Toyota​ Camry​ ​2015 ​ត្រូវ​បាន​រចនា​មុខ​មាត់​ថ្មី ​ជាមួយ​ផ្នែក​ខាងមុខ​ត្រូវ​បាន​រចនា​ជា​សំណាញ់​ជា​មួយ​​នឹង ​Logo​ ដ៏​ទាក់​ទាញ​។ គោម​ខាង​មុខ​ត្រូវ​បាន​រចនា​យ៉ាង​ស្រស់​ស្អាត​ជាមួយ​​នឹង​ការ​បំពាក់​​​នូវ​​អំពូល​ LED​ ដ៏​គួរ​ឲ​ទាក់​ទាញ​ដែល​ភ្លឺ​ថ្លា​ដូច​ជា​ពេជ្រ​ ជាមួយ​នឹង​ភ្លើងស៊ីញូរ​ដ៏​ប្រណិត​។ ក្រ​លេ​ក​​ទៅ​មើល​យ៉ាន​របស់​ Camry ​2015 គឺ​ត្រូវ​បាន​រចនា​យ៉ាងល្អប្រណិត​សាក​សម​បំផុត​ជាមួយ​នឹង​រូបរាង​ របស់​វា​ ជាមួយ​ការ​រចនា​បំពង​ស៊ីមាុំង​បែប​ថ្មី។ ឯ​ការ​រចនា​នៅ​ផ្ទៃ​ខាង​ក្នុង​រថយន្ត​ក៏​មិន​ធម្មតា​ដែរ​ និយាយ​រួម​គឺ​ស្រស់​ស្អាត​ទាំង​ព្រម​តែម្តង់​។

បច្ចេកវិទ្យា​សាក​ថ្ម​តាម Wireless​ (Wireless ​Charging)  ​ក៏​ត្រូវ​បាន​បំពាក់​នូវ​ក្នុង​ Toyota​ Camry​ 2015 ផង​ដែរ។ ហើយ​ជា​ពិសេស​វា​បាន​បំពាក់​នូវ ​Speaker​ ប្រភេទ​ JBL​ ចំនួយ ​១០ ​ដែល​ស្ថិត​នៅ​ជ្រុង​ទាំង​ ៨​ នៃ​រថយន្​ត។ ជាង​នេះ​ទៅ​ទៀត​វា​ក៏​បាន​បំពាក់​នូវ​ប្រព័ន្ធ​សុវត្ថិ​ភាព ​Pre-Collision ​System ​ដែល​​ជា​ប្រព័ន្ធ​​ប្រកាស់​ដំនឹង​ចៀស​វាង​ការ​ប៉ះ​ទង្គិច​ជាមួយ​ឧប​សគ្គ​ដែល​នៅ​ខាង​​មុខ​ និង​ប្រព័ន្ធ​សុវត្ថិ​ភាព​​ជា​​ច្រើន​ទៀត​ដែល​មាន​ដូចជា Vehicle Stability Control (VSC), 29 Traction Control (TRAC), Anti-lock Brake System (ABS), Electronic Brake-force Distribution (EBD), Brake Assist (BA)30 and Smart Stop Technology® (SST). 31 ជាដើម។ វា​ក៏​បាន​បពាក់​ផង​ដែរ​នូវ​ពោង​សុវត្ថិភាព​ដែល​មាន​ចំនួន​ ១០​ដើម្បី​ការ​ពារ​សុវត្ថិ​ភាព​របស់​​អ្នក​បើក​បរ​។

Toyota​ Camry ​2015​ បំពាក់​នូវ​ម៉ាស៊ីន​ប្រភេទ ​3.5-liter​ V6 ​ ដែល​មាន​កំលាំង​ម៉ាស៊ីន​ 268 សេស។ សំរាប់​ការ​បើក​បរ​នៅ​លើ​ផ្លូវ​ Highway ​វា​ស៊ីសាុំង​ប្រមាណ 7.59​ លីត្រ/ 100​ គីឡូម៉ែត្រ ​សំរាប់​​ប្រភេទ​​ធម្មតា​។ សំរាប់​ម៉ូដែល​ Hybrid ​ការ​បើក​បរ​ផ្លូវ​ក្នុង​ទីក្រុង​ វា​ស៊ីសាុំង​ប្រមាណ​  5.47​ លីត្រ​/​100​គីឡូ​ម៉ែត្រ​ សំរាប់​ម៉ូដែល​ Hybrid LE​​ និង​​ 5.74​​ ​លីត្រ/ 100 គីឡូម៉ែត្រ​ សំរាប់​ម៉ូដែល ​Hybrid SE ។

Toyota Camry 2015 ​ត្រូវ​បាន​ដាក់​លក់​ក្នុង​ទីផ្សារ​សហរដ្ឋ​អាមេរិច​ក្នុង​តម្លៃ​ចន្លោះ​ពី ​$ 22,970​ ដល់​ $26,150​ សំរាប់​ម៉ូដែល​ធម្មតា​ និង $26,790 ​ដល់ ​$29,980 ​សំរាប់​ម៉ូដែល​ Hybrid។

ប្រភព ៖ www.toyota.com
ប្រែសំរួលដោយ ៖ Mr. Emo