ទាំងគ្រូបង្វិកនិងខ្សែប្រយុទ្ធរបស់ Southampton សុទ្ធតែទទួលបានពានរង្វាន់ Baclays monthly
គ្រូបង្វិករបស់ Southampton លោក Ronal Koeman ទទួលបានពានរង្វាន់ Baclays Manger Of The Month ប្រចាំខែកញ្ញា រួមនឹងខ្សែប្រយុទ្ធរបស់ក្លិបនេះគឺកីឡាករ Graziano Pelle ក៏ទទួលបានពានរង្វាន់ Baclay Player Of The Month ប្រចាំខែកញ្ញាផងដែរ ។
.jpg)
លោក Koeman ដែលជាអតីតក្លិប Feyenoord ហើយទើបតែមកធ្វើជាគ្រូបង្វិកក្លិប Southampton នៅរដូវកាលនេះ ត្រូវបានជ្រើសរើសដើម្បីទទួលបានពាន Baclays Manager Of The Month សំរាប់ខែកញ្ញាបន្ទាប់ពីដឹកនាំក្លិប Southampton អោយឈ្នះបីប្រកួតជាប់គ្នាក្នុងក្របខណ្ឌ Premier Leagueនៅខែកញ្ញា ដោយបានយកឈ្នះលើក្លិប Newcastle United , Swansea City និង Queen Park Ranger ។ លោក Koeman បាននិយាយក្រោយទទួលពានរង្វាន់ថា “ នេះជាពានរង្វាន់ឯកជនសំរាប់គ្រូបង្វិក
ប៉ុន្តែខ្ញុំសូមអរគុណដល់កីឡាករទាំងអស់ព្រោះការយកឈ្នះអាស្រ័យលើការប្រកួតរបស់កីឡាករនៅលើទីលាន “។
កីឡាករ Pelle ដែលផ្ទេរពីក្លិប Feyenoord មកចូលរួមជាមួយក្លិប Southampton នៅរដូវកាលនេះ ក៏ត្រូវបានជ្រើសដើម្បីទទួលបានពាន Baclays Player Of The Month នៅក្នុងខែកញ្ញាផងដែរ ។ ដោយសារតែកីឡាកររូបនេះរកបាន២គ្រាប់ពេលក្លិប Southampton ឈ្នះ ៤ទល់នឹង0 លើក្លិប Newcastle និង រកបាន១គ្រាប់ជួយអោយ Southampton ឈ្នះ២ទល់នឹង១ លើក្លិប Queen Park Ranger ផងដែរ ។ កីឡាកររូបនេះបាននិយាយថា “ ខ្ញុំពិតជាសប្បាយរីករាយ ហើយពិតជាមានមោទនៈភាពចំពោះខ្លួនឯង ប៉ុន្តែអ្វីទាំងនេះមិនមែនខ្ញុំអាចធ្វើបានម្នាក់ឯងទេ ខ្ញុំសូមអរគុណចំពោះបុគ្គលិកនិងសមាជិកទាំងអស់ក្នុងក្រុម" ។
ប្រភព ៖ premierleague
អត្ថបទ ៖ Mr Ball
ទាំងគ្រូបង្វិកនិងខ្សែប្រយុទ្ធរបស់ Southampton សុទ្ធតែទទួលបានពានរង្វាន់ Baclays monthly
.jpg)
Reviewed by Unknown
on
3:09 PM
Rating:
Reviewed by Unknown
on
3:09 PM
Rating:
