Real Madrid វាយបករហូតបាន ជ័យជំនះលើ Bacelona

យប់មិញក្លិប Real Madrid បានបង្ហាញភាពអស្ចារ្យរបស់ខ្លួនក្នុងនាមជាម្ចាស់ផ្ទះដោយបានយកឈ្នះក្រុមភ្ញៀវ Barcelona ដោយលទ្ធផល ៣ទល់១ ។

ការចាប់ផ្តើមប្រកួតនៅតង់ទី១ ក្លិប Barcelona បានរកគ្រាប់នាំមុខដោយការស៊ុតបញ្ចូលទីពីខ្សែប្រយុទ្ធ​សញ្ជាតិ​ប្រេស៊ីល​គឺ​កីឡាករ​ Neymar ​នៅ​នាទីទី​ ៣​’ ។ យ៉ាងណា​ក៏ដោយម្ចាស់ផ្ទះ Real Madrid បានធ្វើការវាយសម្រុកផ្ទួនៗរហូតដល់នាទីទី ៣៥ កីឡាករ Roanldo ស៊ុតបាល់ពិន័យ១១ម៉ែត្រតាមស្មើអោយក្រុមម្ចាស់ផ្ទះ ។

ចូលតង់ទី២នៅនាទីទី៥០ខ្សែការពាររបស់ Real Madrid កីឡាករ Pepe បានតែតបញ្ចូលទីបានសម្រេច​ក្រោយពី​ការ​ទាត់​បាល់​ជ្រុង​យ៉ាង​ល្អ​ពី​កីឡាករ​ Toni​ Kroos​ ជួយ​អោយ​​ម្ចាស់​ផ្ទះ​នាំ​មុខ​ក្រុមភ្ញៀវ​វិញម្តង​ ។ ចូល​ដល់​នាទីទី​ ៦១​ខ្សែប្រយុទ្ធ​សញ្ជាតិ​បារាំងកីឡាករ​ Karim Benzema​ រកបានគ្រាប់ទីបីអោយម្ចាស់ផ្ទះ​ ។ ដូចនេះការប្រកួតក្នុងជំនួប Elclasico​ យប់មិញ​បញ្ចប់​ដោយលទ្ធផល Real Madrid 3-1 Bacelona ។

អ្វី​ដែល​គួរអោយចាប់អារម្មណ៍ក្នុងជំនួបនេះដែរគឺកីឡាករ Messi ; Neymar និង Ronaldo សុទ្ធតែទទួលបានកាតលឿងម្នាក់មួយ ។

អត្ថបទ៖​ Mr Ball