យប់មិញក្លិប Byern Muich និង Chelsea សុទ្ធតែឈ្នះយ៉ាងចាស់ដៃ

ក្នុងការប្រកួត UEFA Champion League កាលពីយប់មិញការប្រកួតក្នុងពូលE ក្លិបជើងខ្លាំងអាល្លឺម៉ង់ Bayern Munich បានបំបាក់ម្ចាស់ផ្ទះ Roma ដោយលទ្ធផល ៧ទល់នឹង១ ។​ ដែល៧គ្រាប់​ Bayern Munich រកបាន​ដោយកីឡាករ​ Arjen Robben ចំនួនពីរគ្រាប់ (នៅនាទីទី៩ និងនាទីទី​៣០)​ កីឡាករ Gotze​ (នាទីទី​ ២៣)​ កីឡាករ​​ Robert Lewandowski ​(នាទី​ទី២៥​) កីឡាករ​Thomas​ Muller​(នាទីទី៣៦)​ កីឡាករ​ Franck Ribery (នាទីទី ៧៨) និង Sharqiri (នាទីទី៨០) ។ ចំណែកការប្រកួតមួយគូទៀតក្នុង​ពូល​E​ នេះ​ដែរ​ Mancity​ បាន​ត្រឹម​ស្មើ​ ២ទល់នឹង២​ ជាមួយក្លិប​ CSKA Mosco​w។

ដោយ​ឡែក​ការ​ប្រកួត​កាល​ពី​យប់​មិញ​នេះ​ដែរ​ក្នុង​ពូល​G​ ក្លិប​ Chelsea​ ក្នុង​នាម​ជា​ម្ចាស់​ផ្ទះ​បាន​បំបាក់​​ក្រុម​​ភ្ញៀវ​​​ Maribor​​ មិន​​អោយ​​ត​ដៃ​រួច​ដោយ​​លទ្ធ​ផល​​ ៦​ទល់នឺង​០ ​។ ដោយ​នៅ​តង់​ទី១​កីឡាករ​ Lioc​ Remy​ បានបើកការនាំមុខអោយ Chelsea នៅនាទីទី១៣ បន្ទាប់មកកីឡាករ​ Dier Drogba ស៊ុតបញ្ចូលនៅនាទីទី២៣ (បាល់ប៉ណាល់ទី)បន្ថែមការនាំមុខអោយ Chelsea ចំណែកកីឡាករ John Terry រកបានគ្រាប់ទីបីសំរាប់ Chelsea នៅនាទីទី៣១ ។ ចូលតង់ទី២ នាទីទី​៥៦ ខ្សែការពារ Maribor កីឡាករ​ Mitja​ Viler​ ធ្វើ​អោយ​ចូ​​ល​ទី​ខ្លួន​ឯង​ដែល​នេះ​ជា​គ្រាប់​ទី៤​សំរាប់​ Chelsea​ដោយ​ឡែក​គ្រាប់​ទី៥​និង​ទី៦​របស់ Chelsea រក​បាន​ដោយកីឡាករ Eden Hazard នៅនាទីទី ៧៧ (បាល់ប៉េណាល់ទី) ​និង​​មួយ​​គ្រាប់​​ទៀត​​នៅ​​នាទី​ទី​ ៩០​​​​ ។ ចំណែក​មួយគូ​​ទៀត​​ក្នុងពូល ​G នេះដែរគឺក្លិប Schalke​ បាន​យក​ឈ្នះ​យ៉ាង​ត្រដាបត្រដួសលើក្លិប Sporting Lisbon ដោយលទ្ធផល ៤ទល់នឹង៣។

លទ្ធផលគូផ្សេងទៀតកាលពីយប់មិញ

ក្នុងពូល F

Bacelona 3-1 Ajax

Apeol Nicosia 0-1 PSG

ក្នុងពូល H

Porto 2-1 Athlectic Bilbao

Bate 0-7 Shaktar Donetsk

អត្ថបទ៖ Mr Ball