រៀនតុបតែងបន្ទប់របស់អ្នកជាមួយរបស់ធម្មតា នឹងងាយៗ

តើជញ្ជាំងបន្ទប់របស់អ្នកមើលទៅវាលខ្លាំងណាស់ ដូចជាខ្វះអ្វីម្យ៉ាងមែនទេ ? មនុស្សភាគច្រើនមិនបានយកចិត្តទុកដាក់អំពីការតុបតែងបន្ទប់នោះទេ ព្រោះគេគិតថា បើសិនជាចង់តុបតែងបន្ទប់ត្រូវ ចំនាយថវិកាច្រើនក្នុងការទិញសំភារះ រឺគិតថាខ្លួនមិនចេះ ហើយបើសិនជាជួលអ្នកដេគ័រ មកតុបតែងក៏ត្រូវចំនាយថវិកាច្រើនដែរ ។

តែកុំបារម្ភអី ក្នុងអត្ថបទនេះខ្ញុំនឹងបង្ហាញប្រិយមិត្តពី របៀបតុតតែងបន្ទប់របស់អ្នកជាមួយរបស់ដែរ ងាយស្រួលរក និង វិធីតុបតែងងាយៗ ។ តោះទៅរៀនធ្វើវាទាំងអស់គ្នាជាមួយ Cambomag ៖

គំនូរស្លឹកឈើ

មានត្រឹមតែក្រដា់សគូរគំនូរ ទឹកថ្នាំគូរគំនូរ ស្លឹកឈើ នឹង ថ្នាំបាញ់ពណ៌ អ្នកនឹងទទួលបានគំនូរមួយផ្ទាំងដ៏ស្រស់ស្អាត ។

តុបតែងរូបថតរបស់អ្នកជារាងបេះដូង

យករូបថតរបស់អ្នកមកបិទលើជញ្ជាំង និង តំរៀបគ្នាជារាងបេះដូង គិតទៅដូចជាធម្មតា តែវាបានធ្វើអោយបន្ទប់របស់អ្នកស្រស់ស្អាតបានដោយងាយស្រួល។

ប្រើប្រាស់បណ្តូលនៃក្រដាស់អនាម័យធ្វើជាផ្កា

ក្រដាស់អនាម័យសំរាប់ដាក់នៅក្នុងបង្គន់សុទ្ធតែមានបណ្តូលរបស់វា ពេលនេះអ្នកមិនចាំបាច់បោះវាចោលទៀតនោះទេ ព្រោះអ្នកអាចកែច្នៃវាទៅជាផ្កាដ៏ស្រស់ស្អាតបានដោយងាយ អ្វីដែលអ្នកត្រូវ ការបន្ថែមគឺ កន្ត្រៃ ថ្នាំលាបពណ៌ និង កាវ។